有六年時間曾經為著自己嘅蛋糕店，忙到屋企人／事都無時間理，所有大時大節都係喺公司度過，唔知過咗幾多個通宵，接住嘅節日就變咗訓覺日。結業後，搵返文職工，日復日，一個禮拜五日坐係公司部電腦面前不停做，要照顧公司嘅運作，又要同價值觀唔一樣嘅隊友相處，日日比四幅牆框住，真係有d ”心靈“坐監嘅感覺。返到屋企又有一連串嘅任務，煮飯，家務，放狗，晚晚寧願噠落床訓，都好過浪費時間保養吓皮膚，做吓運動照顧吓身體。呢啲咁嘅生活，我唔想到死嗰一刻望返轉頭，先至後悔點解我唔嘗試吓 “生活”呢？人生真係只為工作而生嘛？我細個都唔係為著五斗米而生存啊？

最後鼓起勇氣，quit 咗份工，make time 同自己相處，去學吓慢活。終於令我醒覺，人生唔在乎長短，但就要搵到自己嘅purpose，鍾意啲乜嘢，同埋真正嘅喜樂，先要錫自己，照顧好自己，先可以真正照顧身邊嘅事物。所以的起心肝，學習搵返 d Quality of life。 除左重拾自己以往對食物嘅passion，學自己好想學嘅 language，做鍾意咗嘅手工嘢。吸收多啲唔同嘅事物，令自己嘅人生既簡單又精彩。

超鍾意發掘新食譜，環保／健康生活點子嘅我，想借此平台同大家一齊分享我搜羅到嘅事與物。希望都可以啟發你地搵返自己,搵返d樂趣, 還原基本步，Going Back2Basics!

“Find out who you are and do it on purpose.”
― Dolly Parton