2 min read

【環保生活】環保洗衣粉

呢個洗衣粉我一路都無post，因為我想試用耐啲啲先推介！經過一年嘅測試，我會強力推介。

因為老公比較大汗，所以我以前洗衫會放洗衣粉之餘，仲會加蘇打粉。因為可以去油去味。不過成日都要買洗衣粉，同埋都唔知裡面有乜成分，我就上網 search 吓有乜方法（用洗衫球以外嘅方法）。試過幾個配方，覺得呢個最啱我，老公啲衫唔會再有污跡同埋無味啦～

自製洗衣粉成分有三個！

Fels-Neptha洗衣皂，其實用其他洗衣皂都，或者高強力清潔皂都可以，仲環保添！

20 Mule Team Borax 硼砂 - 除左除蟲防螞蟻以外，洗衫有消毒除臭除污漬嘅作用添。

- 如果有污漬，可以用10克硼砂開 380克水，浸泡 30 分鐘先攞去洗。

- 洗廁所嘅話，可以訓覺前撒少少係廁所，第二朝起身用刷刷吓會將啲漬整走佢。

- 浴屏嗰啲好難洗嘅水垢番梘漬，可以喺濕布上面撒啲硼砂然後打圈 "jut"個玻璃。用水沖乾淨就OK了。

其實佢仲有好多好多用途，如果大家都想知道，可以留言我再出 post 比你地睇哦～

Washing Soda - 碳酸鈉/鹼/洗滌鹼 - 唔好將佢同蘇打粉 Baking Soda 搞錯哦，因為 Washing Soda pH值係 11 ，普通蘇打粉 pH值大約8.3。Washing Soda 有個除污作用，因為佢令到水變得更“硬”，等啲洗衣成分可以直達衣物纖維，令洗衣粉更有用。

- 如果衣物沾到血漬，咖啡，茶，或者油，都可以用 Washing Soda 開水，將衣物浸咗一陣先洗。都可以洗走啲污漬。

買唔到 Washing Soda, 其實都可以自己整架，將蘇打粉放係淺玻璃容器裡面，放入預熱 200度焗爐焗半個鐘至一個鐘左右。當你見到個質感變得沙沙地咁，就已經成功㗎啦。不過呢個都算係強鹼性，所以都要小心處理哦～（我多數都會攞自己焗嘅 Washing Soda 整日本拉麵，就係將個麵變成黃色嗰個成分啦～）