糖醋肉丸

由細到大一向都唔鍾意食排骨（除咗飲茶嘅我會食兩舊之外），因為好油膩。半年前走去整糖醋排骨，因為屋企人買落咗啲排骨無煮到。煮完出嚟味道係好好，但係見到碗底嗰層油打咗個冷震。

最近因為真係諗唔到要煮乜，所以改一改佢，用豬肉丸整糖醋未得咯～為咗減低油量同埋膽固醇，我用咗一半喺超市買嘅絞肉，一半用新豬肉整，出嚟嘅效果，質感好似 Ikea 嘅肉丸！大成功！食完一大碗，都唔油膩感！下次就會試用新豬肉整曬成個餸先！

煮食tips：

新豬肉除咗佢係植物 based 無膽固醇，其實另一個我好鍾意用佢嘅原因，係因為我覺得佢好似肥肉嘅感覺。就算我自己整嘅絞肉好瘦，加一半份量嘅新豬肉落去其實佢會增加水份感。所以有時候唔係就咁食佢，都會撈落其他肉碎裡面。令到個啲瘦嘅肉碎更加fluffy！

做法：

-----------

想第一時間睇到更多更新，記得 Like 我個 Facebook Page 同 Instagram 啦～

Recent Posts