唔想食蒸魚同煎魚？煮呢個啊～ 老公食完飯，比左個 high 5 我！咁鍾意，點可以唔share啊！
材料：
魚部分 喜愛既魚 1 條 （今次我用海魚） 米酒 3 湯匙 鹽 按個人喜好 白胡椒 少量 薑 按個人喜好
1. 將魚開邊， 我一邊係魚柳，一邊係連骨。 2. 攤平係盤內，灑上米酒，鹽，白胡椒，上面放點薑，醃20分鐘。 3. 放 180 度焗爐焗 8-12分鐘 （如果想熟少少就焗耐 DD)。
湯部分 花椒 3 湯匙 青辣椒 1－2條 （切片） 蒜 3粒 （磨蓉） 濃湯寶 1粒 米酒 1 湯匙 韓式緹魚湯粉 3/4 茶匙 麻辣椒油 1 茶匙
做法
1. 將所有花椒放煲內，好細好細火烘到d花椒有香味 （10分鐘左右，唔好行開，要不時郁吓佢）。
2. 攞返 1 湯匙出黎備用。然後加 1-2 湯匙油，慢煮 d 花椒 （10 分鐘左右） 3. 開至中火，炒香 d 青辣椒同蒜蓉
4. 加入4 碗水，1粒濃湯寶，米酒，緹魚湯粉，滾起。
5. 滾起後，將所有配料撈出備用。
合併兩部分 1. 魚焗好後，取出焗盤。將條魚攞起， 將喜歡既蔬菜／配料墊底再放返條魚上去。 2. 準備好爐後（餐桌上），將焗盤放爐上，再加湯。 3. 最後灑上先前撈起之花椒辣椒，加埋之前取出既花椒，加埋麻辣椒油，煮滾就可以食了！
Commentaires