炭燒牛肉飯素

今日同大家推介呢個炭燒牛肉飯素，其實我都唔知呢個係唔係叫做飯素，因為佢唔係拌飯，但係係直接用嚟整飯糰用嘅！不過無論如何，呢個係真係好味！平時我好少買飯素因為我多數係食粥先至會用飯素。整飯糰我又會直接加餡料入去，例如蒲燒鰻魚/鯖魚，油浸沙甸魚，吞拿魚沙律，牛肉，三文魚漬等等。

有一日終於有機會行到 Don Don Donki，（以前入過去兩次，都覺得好似行花市咁，我怕人多，所以兩次入到去都即刻搵出口離開。）呢次可能下午 2-4 時段唔多人，所以行左一陣，買左 d 拉麵，同埋買左兩包飯糰飯素。

今日第一次食呢個飯素，又真係幾好味，開頭以為普通燒牛肉味，裡面d 一粒粒我放左一粒落口，感覺好似炭燒牛肉味，睇真d原來個包裝真係花炭燒牛肉味！佢嘅建議用量係每160克放7克。但我煮左 1 杯米（兩碗）到曬成包落去先覺得好好味！

抵唔抵食就見仁見智啦，不過試下亦無妨。