有日經過屋企樓下 HKTVmall 見到個 Tomahawk 豬扒，店員大力推介辣味好抵食！所以我就買咗一塊返屋企煮。
我用煎pan 每邊煎封兩分鐘，然後放入已預熱行風焗爐 150度焗 8 分鐘，剛剛好插入溫度計塊扒熟。用錫紙蓋住 8分鐘後就食，好juicy！
怕食豬扒嘅我，真心覺得呢個好好食，最後三塊已醃好嘅都買曬，趁有朋友嚟我屋企食飯就試曬。食後感最惹味都係辣味，但香草味都係好香，Sweet & Smokey 就無乜特別，但唔難食。不過以後都係會買返原味自己醃，可以多樣化啲有可以少鹽啲～
我係 HKTVmall 買應該價格會比較貴少少，朋友仔話我知最平 $50 都有哦，兩個人食唔太多唔太少，都算抵食哦～