話說最近隻鑊買左一年半都無，開始有d唔聽洗，係唔適當既時候就會痴底。所以我已經迫不及待咁買隻新既平底鑊。我每次買鑊都要幾個 criteria 。實在，傳熱，可以唔落好多油都可以煮到一個好好既效果。終於有日我啊哥黎我度食飯，同我講佢隻鑊煎午餐肉唔痴底，我就幾日內去左買同一牌子既28cm平底鑊。
買完個鑊，我既習慣就係炒蛋！因為炒蛋炒得好食，我覺得同隻鑊有好大既關係！所以今次，炒到呢個蛋，我個人覺得呢個係一個非常唔錯既鑊！
啊～講返個炒蛋。我本人係超鍾意食蛋，所以我會竭盡所能去整到好好食！我會睇大師點樣整蛋。究竟炒前調味，炒後調味，點樣手法去炒。我睇 Jamie Oliver, 睇 Gordan Ramsey, 最後，都係 Jamie 既方法比較貼近我同老公既心意。
只要炒前稍微調味，熱鑊加蛋，不多加攪拌。每次將蛋汁推向中間，直到鍾意既質感就即刻上碟！大家一齊睇吓啦～
材料
2隻 全蛋
2隻 蛋白
小許 鹽＋黑胡椒
Comentarios