唔知大家有無呢個問題，不過我屋企一路都無螞蟻嘅問題，每一次，都係打風就會有可能出現。今年都唔例外，檢查過我廚櫃裡面唔係有食物外露，所以又要出絕招！
每一次螞蟻出現，我都會試幾個方法，一個治標嘅方法係瞬間將佢趕走至少 2-3個鐘。另一個方法比較漫長，但比較治本，可惜呢個方法係需要少少耐性，（同埋你要唔怕見到佢周圍走），大約要 3-10日嘅時間。
治標嘅方法，就係用棉花球/紙巾，沾一啲薄荷+茶樹精油，喺螞蟻出沒嘅地方抹落去。螞蟻就唔會再走過去。不過當精油揮發之後，螞蟻有可能會返嚟。
治本嘅方法，就係用 3 份糖，加 1 份硼砂 ，用水開到一個液態狀，你可以直接放一個碗裡面，或者用棉花沾一啲，放喺螞蟻會路經嘅地方。呢個方法，係螞蟻將呢個糖衣陷阱，攞返去個竇度比蟻后食完之後，跟住會擾亂佢嘅消化系統而死。呢個方法，需要時間耐啲，但生效之後，螞蟻就唔會再出現了。
唔知你哋試完效果係點呢？你哋又有無獨門秘方呢？
想第一時間睇到更多更新，記得 Like 我個 Facebook Page 同 Instagram 啦～
網頁: www.goingback2basics.com/ Facebook： www.fb.com/goinbacktobasics/ Instagram: www.ig.com/back2basicsss/
Youtube: https://bit.ly/2ZK6MyR
Yorumlar