- 2 min read

自家製日本拉麵

老公好鍾意食拉麵，呢 20 年來都薰陶咗我都喜歡食拉麵！記得我細個，食麵係鍾意浸到“淋”曬，我覺得啲麵塑曬啲湯嘅時候，又入味，有無咁熱，呢個狀態係最好食（特別係公仔麵 😄）。而我另一半，鍾意啲麵茶唔多有骨就已經可以食啦。所以以前就算我哋是但一個煮麵比我哋兩個食，到要分開煮，先煮咗我鍾意嘅麵，再煮有骨嘅麵。（我成日被人話我核突，其實都係個人口味遮，同食榴槤芫荽一樣，鍾意或者唔鍾意）

跟住這些年嚟，都係試過好多唔同嘅拉麵，唔一定係大牌子，但食食吓，我對麵身嘅彈度開始有所改變。我開始鍾意食有咬口，彈彈地，al dante嘅拉麵。所以好多買返嚟嘅即食拉麵（附湯包嗰啲）未必有咁嘅口感。所以就膽粗粗試吓自己整，睇下可唔可以整到彈牙嘅口感。終於我搵到了。

自從開始食咗 home made 拉麵，就好少買外面嘅乾拉麵了（唔係唔好食，不過prefer自己整嗰啲）。不過次次整，都真係好大工程。所以就開始一次過整多啲，放落冰箱，食嘅時候先至攞出黎，冰住落熱水煮分半鐘。不過一位佢裡面個心係最後先煮到，所以煮嘅過程，一定要幫佢解開個結。就簡單呢個分半鐘，就可以整到超彈牙拉麵啦～尤其用嚟做乾拌麵。如果整湯麵，建議可以縮短煮嘅時間（當然係要全部煮熟嘅情況下啦）。

預先製作鹼：

鹼嘅製作好簡單，攞蘇打粉放入 150度焗爐焗一個小時，攞出黎嘅時候，會明顯比蘇打粉更多一粒粒 grainy 嘅感覺，呢個時候就可以用嚟整麵啦～

Tips 1: 唔想次次都要等一個鐘頭先可以開始整麵，可以預先一次過整多啲鹼，放落玻璃樽入

面，放陰涼嘅地方，就可以隨時攞嚟用啦！