2 min read

週末完美的少肥肉燥飯

以前喺台灣生活過，所以對於台灣料理係情有獨鍾，當然，肉燥飯都唔例外啦！參考過好多長輩比我嘅食譜，全部都係好多豬油，豬皮，呢啲勁肥嘅材料，對於怕肥嘅我，又愛又恨。所以出盡法寶試咗好多次，終於有一個我幾滿意嘅食譜。而家就同大家分享啦！

個人心得：

紅蔥/乾蔥/shallots嘅部份，我試過用好多或者用少，試過炒得耐d，但其實最好味都係要炸到佢金黃色先至係最好味！所以我用咗較少油半煎炸啲乾蔥。隔左啲油出嚟放係玻璃樽裡面，第日可以炒菜嘅時候放少少攞嚟提味。
醬油膏，一路以來都係令我好頭痛既部分，因為成日用唔曬就要掉左佢。我淨係識得用嚟整肉燥飯，涼拌皮蛋豆腐，豬肝連呢幾樣野，所以食晒之前都已經壞咗Lu。所以呢個食譜我係會用櫥櫃裏面有嘅食材，就係生抽同老抽啦！效果一樣咁正！
豬肉：我一定唔會用豬皮、五花籃呢啲勁肥嘅部份。我試過用瘦肉，豬柳，豬扒去搞成免治肉，但係都係唔係好好食。最正就係2:8或者三3:7肥瘦豬肉嘅比例！如果買現成免治肉嘅話只要格晒佢啲油出嚟就會爭好遠㗎啦！
用嚟炆佢嗰個煲一定要厚身傳熱嘅煲，如果個煲太薄嘅話啲汁好快就會冇晒，跟住就會痴底。

做法：

1. 首先我落三至四湯羹油，加熱之後將切好咗嘅乾蔥放落去用好細火慢慢煎炸，揸到去金黃色（大約 10-15分鐘）跟住就會隔咗啲油佢，裝起啲炸乾蔥。