3 min read

韓式泡菜 / 日式大阪燒 / Camembert 芝士Pizza

出咗薄 Pizza 底嘅 post 之後，梗係要繼續努力，練習整批底啦！知道點樣拿捏 Pizza 底嘅特性，同埋點樣會多啲風味。同埋拆解咗我之前一路犯錯嘅問題：個底點整都好細，碌唔薄，碌唔圓。同埋點樣可以整到個底更加 tasty 更有風味等等。

點樣做到好似出街食咁有微微酸味/發酵味嘅麵糰啊？

Pizza 底如果想要做到出面好味嘅 Pizza 底少少酸味嗰種，做完個 Pizza 底要放雪櫃學至少 1 日，第二日先至攞出嚟食。我就試過最多放兩日之後等個麵糰未回溫，我就已經壓薄然後放材料入爐焗了。批裡面嘅組織窿窿係會有啲大，同埋個風味係少少酸，我同屋企人都好喜愛。

麵糰一壓就會彈返轉頭，點碌都唔薄點算？

另外，批底剛剛做起，點樣壓個批底都係會縮返轉頭。係因為麵糰嘅筋性重，所以會回彈。只要將個麵糰推圓，壓扁少少之後，用煲蓋蓋上以防佢變乾。放大約 15-20分鐘，等個麵糰鬆弛咗，放上你想用嘅牛油紙/煮食紙/不沾布上面，將佢碌薄碌圓，之後再將邊邊摺返入去。做返個邊，就完成 pizza 底嘅部分啦。

除此之外，我仲explore好多fusion嘅 pizza 口味，唔洗食嚟食去都係風乾肉，海鮮，番茄醬等等嘅口味。今次我會介紹三個口味，三個口味都係因為我有食淨嘅餸菜/材料而整出嚟嘅。

韓式 Kimchi Pizza:

材料：

批底醬汁

蒜粉 1茶匙

洋蔥粉 1茶匙

辣椒粉 1湯匙

魚露 1茶匙

水 1-2湯匙（加至所有材料拌勻成醬可以推開嘅份量）

Pizza 底 1份

水牛城芝士 40克

免治豬肉碎 80克

泡菜 30克

做法：

Camembert 芝士 Pizza

材料：

Pizza 底 1份

Camembert 芝士 45克

水牛城芝士 40克

蕃茄碎 3湯匙

免治豬肉 80克

洋蔥 1/4個（切絲）

鹽適量

黑胡椒粉適量

做法：

預熱焗爐250度（對流風開220度）
將蕃茄碎倒落已經碌好嘅 pizza 批底，用湯羹推開至 Pizza 邊緣。
灑上一半水牛城芝士，將免治豬肉碎分開成 2cm 小塊分佈於 pizza 上面，灑上適量鹽/黑胡椒，鋪上洋蔥絲，放上切薄片嘅 Camembert，再灑上剩餘之水牛城芝士。
放入焗爐焗 7-9分鐘或至周邊變金黃色為之 ok。